《武漢肺炎的急症室日常》
=======================
R房留位廣播：「女士70歲，發燒氣喘，room air SPO2 80% ，有緊密接觸史，10分鐘後到」
我和幾位同事去穿PPE預備。
女士來到，有長期病，十分氣喘，用高濃度氧氣，血含氧也不合格。她與丈夫同住，原來丈夫剛確診，已被送到隔離病房。
「我.....係唔.....係...都.......中咗.....?」佢一邊喘，一邊問。
「都....可能係....」
有點難開口。
照X光，肺兩邊花，似是典型的武漢肺炎pattern。
「咁.....插喉啦。」我話。
「好，插囉。」護士答，随即去準備。
我諗護士同我一樣，唔多唔少實有啲驚嘅，唯有每個步驟小心點。
解釋完，插喉，搵ICU。好彩，有最後一張床。
我係度諗，唔知佢同丈夫上次道別講咗咩？佢最近有冇見過仔女？個肺咁花，又有慢性病，我都好擔心佢未必出到院。
再爆落去，邊有咁多呼吸機同ICU配套？資源分薄時，佢一定冇份，肯定死更多中年和老年人。
每日不停更新確診人數，個案編號，乜乜群組，但千萬不要習慣，因為佢地並唔係一堆數字。雖然有生活多姿多采嘅豬隊友，但有好多係勞碌一生嘅普通人，街坊，打工仔，老友記。下一個隨時係我地識嘅人。
武漢肺炎跟本就是一場人禍。
Search